Rafbassinn er ungt hljóðfæri. Hann var fundinn upp á fjórða áratug síðustu aldar en komst fyrst í almenna notkun upp úr 1950. Rafbassinn er ómissandi í rokk-, popp- og blústónlist en einnig notaður nokkuð í djasstónlist.

Hann er grunnurinn sem heldur öllu saman og því mjög mikilvægur. Rafbassi hefur aðeins 4 strengi í stað 6 sem eru á gítar og því eru krakkar oft fljótari að ná tökum á bassanum heldur en gítarnum þó svo það sé ekki í öllum tilfellum.

Kenndar eru fjölmargar tónlistarstefnur allt eftir áhuga nemandans eins og: rokk, blús, fönk og djass. Byrjendur læra rétta handstöðu og rétta setu með hljóðfærið. Einnig er farið í öll grunnatriði í bassaleik sem og að læra að spila eftir eyranu, nótnalestur og formskyn þroskað.

Bassakennarar skólans eru: Birkir Kárason og Ólafur Kristjánsson